Lars var 17 år og Guro 16 då dei skulle ut i verda. Lars hadde fått plass på Framnes Folkehøgskule og foreldra fann det tryggast at Guro blei med,  for ho var meir vaksen for alderen. Guro hadde fått plass som tenestegjente hos lærar Svarstad på Framnes.

Faren Ola rodde med færingsbåten til Fjæra. Så var det å gå 5 km til Skromme (det var jo slekta), her overnatta dei.  Andre dagen blei det hesteskyss til Jøsendal. Avskjed med faren var  svært alvorlig og høgtidelig. Så var det for ungdommane å gå dei 20 km til Odda. Dei møtte ingen bilar på vegen. Svært stolte kunne gå ombord i Vøringen kl. 8 om kvelden, dei kom til Nordheimsund kl. 5 neste morgon.

Lars kom inn på Volda etter opptaksprøve og var ferdig med 3 årig lærarskule i 1923. Han var då 21 år.  Første lærarpost var på Lindås. I 1925 fekk han lærerpost på Sandvoll, den gang Skånevik kommune.

Siste året Lina Margrete  Stangeland var elev på folkeskulen, hadde ho Lars som lærar. Etter kvart blei Line Margrete og Lars kjærstar.  I 1931 blei det bryllaup i Stavanger, Lina Margrete og Lars blei ektefolk. I bryllaupet var  søskena til Lars; Ingeborg og Gerhard med.

Til Sandeid kom familien i 1948. Frå 1948 - 1969 var han lærar ved Vestbø skule. Han var og klokkar. Det ble nokre god år på Sandeid.

Line Margrete døde uventa av hjerneslag i 1957, ho blei berre 45 år.

I 1960 gifte Lars seg med Marie Bakkevold. Dei siste 18 åra budde dei i Haugesund